Часовую павераную ў справах ЕС у Беларусі затрымалі пасля суда над палітвязнямі і каля 2 гадзін утрымлівалі ў міліцыі
Часовую павераную ў справах Еўрапейскага саюза ў Беларусі Эвеліну Шульц затрымалі пасля заканчэння суда па «справе анархістаў» і праваабаронцы Марфы Рабковай і даставілі ва УУС Фрунзенскага раёна Мінска, паведамляе «Позірк».
Яе ўтрымлівалі там каля дзвюх гадзін, паведаміла BPN крыніца ў дыпламатычных колах ЕС.
Пра тое, што здарылася, былі апавешчаныя кіраўнік прадстаўніцтва ЕС у Мінску Дырк Шубель (у сярэдзіне 2021 года па патрабаванні беларускіх уладаў пакінуў краіну і працуе з-за мяжы) і кіраўніцтва ЕС у Бруселі.
Іншых еўрапейскіх дыпламатаў, якія прыбылі 6 верасня на вынясенне прыгавору ў Мінскі гарадскі суд, не затрымлівалі.
Афіцыйнай рэакцыі на тое, што здарылася, ад ЕС і яго беларускага прадстаўніцтва пакуль няма. Невядома таксама, ці складаўся на дыпламатку ў міліцыі пратакол.
Паводле Венскай канвенцыі аб дыпламатычных адносінах, дыпламаты валодаюць імунітэтам.
Паводле інфармацыі праваабаронцаў, пасля вынясення прысуду каля будынка суда былі затрыманыя і дастаўленыя ў Фрунзенскі РУУС таксама некалькі сваякоў асуджаных, праваабаронца Анастасія Лойка і іншыя грамадзяне — усяго не менш за 13 чалавек. Дваіх — Насту Лойку і Данііла Крашэўскага — будуць судзіць, астатніх адпусцілі.
Таксама вядома, што да затрыманых у Фрунзенскі РУУС прыязджаў прапагандыст Рыгор Азаронак. Ён хадзіў з мікрафонам і настойліва патрабаваў ад затрыманых даць каментар. Найбольш «дасталася» ад яго часовай паверанай у справах ЕС у Беларусі Эвеліне Шульц — Азаронак «насядаў» на яе з пытаннямі больш за ўсіх
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?2
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары