ЗША ўвялі новыя антырасійскія санкцыі, у тым ліку ў дачыненні да кіраўніка Чачэнскай Рэспублікі Рамзана Кадырава і членаў яго сям'і. Адпаведны дакумент апублікаваны на сайце Мінфіна ЗША.
Згодна з дакументам, у сувязі з вайной, якую Расія вядзе ва Украіне, пашыраюцца санкцыі ў дачыненні да Рамзана Кадырава (пад санкцыямі ЗША кіраўнік Чачні знаходзіцца яшчэ з 2017 года, у сувязі з «законам Магніцкага»). Таксама яны ўводзяцца ў дачыненні да ягоных дачок Айшат, Карыны і Табарык, жонкі Медні, а таксама Фацімы Хазуевай і Амінад Ахмадавай, якіх у амерыканскім ведамстве таксама называюць «жонкамі» Кадырава.
«Кадыраў у выніку сваіх сувязяў з Уладзімірам Пуціным нажыў велізарную маёмасць», — падкрэслівае Мінфін ЗША, называючы ў ліку такой маёмасці нерухомасць у ААЭ, прыватны заапарк і шматлікія дарагія аўтамабілі.
Усяго ў санкцыйны спіс былі ўнесеныя 22 фізічныя і дзве юрыдычныя асобы. Сярод іх: памочнік прэзідэнта Расіі Максім Арэшкін, гендырэктар нацыянальнай сістэмы аплатных картаў (аператар картаў «Мир») Уладзімір Комлеў, дзіцячы амбудсмен Марыя Львова-Бялова і кіраўнік Нацыянальнага разліковага дэпазітарыя Віктар Жыдкоў.
-
«Вялікабрытанія павінна выкупіць Амерыку назад». Брытанскі журналіст патроліў Трампа
-
Трамп патрабуе па мільярдзе долараў ад краін за пастаяннае членства ў Радзе міру, якую ён стварае. Старшынёй будзе ён сам
-
«Make America Go Away». Дзясяткі тысяч людзей у Грэнландыі і Даніі выйшлі на акцыі супраць ЗША
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы11
Каментары