Каб заняць места ў знакамітых піўных намётаў, людзі станавіліся ў чэргі задоўга да пачатку фестываля. Шатры здольныя ўмясціць да 120 тысяч удзельнікаў.
Па традыцыі, старт піўному святу даў бургамістр Мюнхена, які з дапамогай трох удараў убіў у піўную бочку кран, напоўніў кружку і вымавіў «O'zapft is!», што на баварскім дыялекце азначае «адкаркавана».
Як паведамляюць нямецкія СМІ, вялікі келіх (2 пінты, крыху больш за літр) на Oktoberfest сёлета каштуе ад 12,60 да 13,70 еўра, што ў сярэднім на 16% больш, чым на мінулым фестывалі ў 2019-м годзе. Апошнія два гады Oktoberfest не праводзіўся з-за каранавіруса, сёлета ён пройдзе з 17 верасня па 3 кастрычніка.
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні4
Каментары