Учора персанал аэрапорта «Гомель» быў ізаляваны ў будынках. Гэта было зроблена для правядзення абмену ваеннапалонымі паміж Расіяй і Украінай, паведамляе «Флагшток» са спасылкай на крыніцу, звязаную з дзяржаўным РУП «Белаэранавігацыя».
Па інфармацыі тэлеграм-канала «Беларускі гаюн», учора ў 14:40 у аэропорце «Гомель» прызямліўся Іл-76 ВКС РФ з бартавым нумарам RA-76669. Праз дзевяць гадзін (у 22:30) ён вылецеў.
Такім чынам, на тэрыторыю гомельскага аэрапорта з РФ самалётам былі дастаўленыя каля 200 украінскіх вайскоўцаў, у тым ліку абаронцы марыупальскага завода «Азоўсталь», якія патрапілі ў расійскі палон у маі 2022 года.
Узамен украінскіх вайскоўцаў Расія атрымала так званага кума Пуціна — прарасійскага палітыка Медзведчука, які пасля пачатку вайны збег з-пад хатняга арышту і спрабаваў пакінуць Украіну, і 55 захопленых расійскіх ваенных.
Чытайце таксама:
Украінцы выменялі абаронцаў «Азоўсталі» на Медзведчука
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары