Гурт Queen прадставіў невядомую раней песню, выкананую Фрэдзі Мерк'юры
Брытанскі рок-гурт Queen выпусціў раней згубленую песню з вакалам іх памерлага саліста Фрэдзі Мэрк‘юры. Кампазіцыя Face It Alone была запісаная ў 1988 годзе для альбома Miracle, але так і не была выпушчаная.
Песню адкрылі нанава, калі каманда гурта вярнулася да архіўных запісаў, каб працаваць над будучым перавыданнем альбома. Прэм’ера песні адбылася 13 кастрычніка на брытанскім радыё BBC Radio 2, піша The Times.
Сінгл — першая новая песня гурта з удзелам Мерк’юры, выпушчаная пасля альбома Queen Forever у 2014 годзе. Той дыск уключаў у сябе тры трэкі з удзелам спевака, якія раней не гучалі: Let Me In Your Heart Again, Love Kills і There Must Be More to Life Than This.
Браян Мэй, 75-гадовы гітарыст гурта, выказаўся пра новую песню так: «Я шчаслівы, што наша каманда змагла знайсці гэты трэк. Мы крыху забыліся пра гэты трэк, але ён нас чакаў, гэтая маленькая жамчужына. Гэта цудоўна, сапраўднае адкрыццё. Гэта вельмі палкі твор». Мэй таксама сказаў, што было «выдатна пачуць нас усіх чацвярых, у тым ліку і басіста Джона Дзікана, «пасля столькіх гадоў».
У наступным месяцы Queen перавыдаюць свой альбом Miracle 1989 года. У ім прагучалі хіты I Want It All, Breakthru і The Invisible Man, у свой час Miracle быў на першых месцах у брытанскіх чартах.
Апублікаваная песня Фрэдзі Мэрк'юры, якая лічылася страчанай ВІДЭА
Ці разбіраецеся вы ў музыцы? ТЭСТ
«Любы артыст, які займаецца сабой, даходзіць да таго, што варта спяваць па-беларуску» — вялікая гутарка з Сяргеем Будкіным
-
Выйшаў дапоўнены раман Алеся Пашкевіча пра Дубоўку
-
«Трэба крычаць, што мы ёсць, мы былі і працягваем існаваць». Тэатральны крытык Настасся Панкратава — пра сваю кнігу і беларускі тэатр да і пасля 2020 года
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
Хто з палітвязняў выйшаў на свабоду 16 верасня ПОЎНЫ СПІС23
Каментары