Лідар левых Лула да Сілва узначальваў Бразілію ў 2003—2010 гадах. У 2017 годзе ён быў асуджаны на 12 гадоў калоніі паводле абвінавачвання ў карупцыі, але пазней з яго знялі ўсе абвінавачванні. На выбарах ён перамог дзейнага прэзідэнта краіны Жаіра Балсанару, піша РБК.
Былы прэзідэнт Бразіліі Луіс Інасіу Лула да Сілва перамог дзейнага кіраўніка дзяржавы Жаіра Балсанару ў другім туры прэзідэнцкіх выбараў пасля падліку галасоў выбаршчыкаў, вынікае са звестак на сайце Вышэйшага выбарчага суда краіны.
Разрыў паміж кандыдатамі пасля падліку 99,26% галасоў аказаўся мінімальным — 50,85% супраць 49,15%.
Першы тур прэзідэнцкіх выбараў у Бразіліі адбыўся 3 кастрычніка, аднак ніхто з кандыдатаў не змог набраць больш за 50% галасоў. У фінальнае галасаванне выйшлі Жаір Балсанару і Лула да Сілва.
Па выніках першага тура больш галасоў набраў Лула (47,98%), Балсанару аказаўся на другім месцы з 43,59%. Усяго ў першым туры ўдзельнічалі дзевяць кандыдатаў, але ніхто іншы не набраў больш за 1% галасоў.
У 2016 годзе Лула быў асуджаны да 12 гадоў па справе карупцыі і адмывання грошай у дзяржаўнай нафтавай кампаніі Petrobras. Скандал вакол гэтага таксама прывёў да імпічменту Дылмы Русеф у 2016 годзе. Яна была пераемніцай Лулы на пасадзе прэзідэнта і яго паплечніцай па Рабочай партыі. Сам экс-прэзідэнт, выкарыстоўваючы права на апеляцыю, знаходзіўся на волі, а ў 2021 годзе Вярхоўны суд Бразіліі адмяніў прысуды ў дачыненні да яго.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары
Но факт избрания не говорит о том, что Лулу не вздёрнут через год на рее!