Акупацыйныя ўлады Херсонскай вобласці патлумачылі, чаму знік расійскі сцяг з будынка адміністрацыі, украінцы скептычныя
Калабарацыйная адміністрацыя патлумачыла, што ў адміністрацыйным будынку ў Херсоне нібыта «ад пачатку не было ніякіх расійскіх ведамстваў».
У акупацыйнай адміністрацыі адзначылі, што ў апошні час будынак, дзе раней размяшчалася Херсонская абладміністрацыя, быў закансерваваны.
Але гэта ніяк не тлумачыць знікненне сцяга і знікненне вайскоўцаў з блокпастоў.
Акрамя таго, паводле гэтага паведамлення, акупацыйная адміністрацыя перабралася ў горад Генічаск, які знаходзіцца на поўдні Херсонскай вобласці ў непасрэднай блізкасці ад анэксаванага ў 2014 годзе Крыма. Раней паведамлялася, што новай рэзідэнцыяй падкантрольных Расіі ўладаў Херсоншчыны будзе горад Скадоўск.
У той жа час украінскія вайскоўцы ставяцца да гэтых навін стрымана. Зняцце сцяга Расіі з будынка Херсонскай абласной адміністрацыі ў акупаваным Херсоне можа быць «праявай правакацыі», заявіла начальніца аб'яднанага каардынацыйнага прэс-цэнтра Сіл абароны поўдня Украіны Наталля Гумянюк:
«Гэта можа быць правакацыяй для таго, каб стварыць уражанне, што населеныя пункты пакінутыя, што ўваходжанне ў іх бяспечнае.
Улічваючы, што яны даўно рыхтаваліся да вулічных баёў, тое, як яны размяшчаюць свае падраздзяленні, мы аддаем сабе справаздачу ў запланаванай тактыцы дзеянняў і не спяшаемся радавацца. Трэба разумець, што гібрыдная вайна прадугледжвае і такія інфармацыйныя ўкіды, атакі, якія могуць быць разлічаныя на аслабленне войскаў».
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары