У Маладзечанскім раёне на паляванні смяротна паранілі мужчыну.
На месцы здарэння
Трагічнае здарэнне адбылося 19 лістапада, паведамляе «Рэгіянальная газета».
У вёсцы Свечкі зладзілі загоннае паляванне на капытных. Удзельнікі пастроіліся ў пэўным парадку. Калі лось перасякаў стралковую лінію, 54-гадовы мужчына стрэліў у лася, аднак куля патрапіла ў іншага паляўнічага.
Нягледзячы на намаганні дактароў, выратаваць 61-гадовага пацярпелага не ўдалося. У той жа вечар ад страты крыві ён памёр у бальніцы.
Заведзена крымінальная справа па частцы 1 артыкула 144 (прычыненне смерці па неасцярожнасці) Крымінальнага кодэкса.
Каментары