Аляксандр Лукашэнка лічыць, што абставіны прымусяць прэзідэнта Украіны Уладзіміра Зяленскага сесці за стол перамоваў з Масквой «праз год-два» пасля пачатку ўзброенай агрэсіі РФ. Дарадца кіраўніка Офіса прэзідэнта Украіны Міхаіл Падаляк у каментары «Зеркалу» заявіў, што ў расійскіх уладаў няма «ніякіх гадоў». А адказваць давядзецца не толькі Уладзіміру Пуціну, але і Аляксандру Лукашэнку.
На думку Падаляка, чарговыя публічныя выказванні Лукашэнкі «дэманструюць яго абсалютную адарванасць ад рэальнага свету, неразуменне прыроды і працякання гэтай вайны і традыцыйную схільнасць да абразлівай пустой балбатні», што ўласціва «палітыкам архаічнага правінцыйнага ўзору, што дзесяцігоддзямі здзекуюцца са здаровага сэнсу».
«Варта нагадаць гэтаму «саюзнаму сябру дзяржавы-тэрарыста», што вайна не скончылася за «3-4 дні, якія патрэбныя для захопу Кіева». Не працягнецца яна і 1-2 гады. Украіна будзе вырашаць, калі і як пакараць агрэсара. Сама ж здагадка пра тое, што з-за генацыдных ракетных абстрэлаў украінскі народ стане на калені і пачне прасіць аб капітуляцыі, лішні раз падкрэслівае катэгарычнае няведанне ўкраінскага народа. Больш за тое, мяркую, што ўсё гэтае дзікае слоўнае багацце, хутчэй, панічная трансляцыя ўнутраных страхаў самога Лукашэнкі», — сказаў дарадца кіраўніка Офіса прэзідэнта Украіны.
Ён лічыць, што беларускі рэжым баіцца пройгрышу Расіі, таму што разумее — пасля гэтага з'явіцца «маса фундаментальных юрыдычных пытанняў да суб'ектаў, якія прама, ўскосна, інфраструктурна падтрымалі масавыя забойствы мірных грамадзян ва Украіне».
«Дык вось, і блізка няма «ніякіх гадоў» у запасе ў пуцінскага рэжыму — усё для іх скончыцца значна больш хутка і разбуральна. Таксама хутка і нечакана для многіх, як была вызвалена Харкаўская вобласць і Херсон. У адзін цудоўны момант «расійскі акупацыйны фронт», які на чужой зямлі забівае, рабуе і разбурае, імкліва абрынецца, а тыя ці іншыя суб'екты, якія дагэтуль вераць у сваю хітрасць, пачнуць істэрычна шукаць адвакацкія канторы, каб паспрабаваць даказаць «мы наогул ні пры чым, мы праходзілі міма, нас прымусілі». Спадару Лукашэнку трэба проста трошкі пачакаць правільнага і аб'ектыўнага фіналу», — дадаў Падаляк.
***
23 лістапада Аляксандр Лукашэнка заявіў расійскаму тэлеканалу «Звезда», што, на яго думку, прэзідэнт Украіны Уладзімір Зяленскі сядзе за стол перамоваў з Масквой «праз год-два» — яго прымусяць абставіны і людзі.
«Паглядзіце праз год-два, народ яго (Зяленскага) будзе вінаваціць: «Чаму ты зрабіў так, што вайна гэтая пачалася?» Тут пытанне не ў тым, хто мае рацыю, хто вінаваты. Чаму тут у цябе ідзе вайна? Таму вось гэтая вось сітуацыя будзе штурхаць кіраўніцтва Украіны, калі яны разумныя, да таго, каб сесці за стол перамоваў», — сказаў Лукашэнка.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
Дело не в бреду лукашенко, дело в том, что он живёт этим бредом и заставляет жить им 9 миллионов людей.
Ещё видно, что интервьюеруемый лукашенко выглядел психический ненормально, глаза жили своей жизнью отдельно от остального тела.