У вячэрняй праграме «Панарама» на тэлеканале «Беларусь 1» паказалі сюжэт, прысвечаны пахаванню нядаўна нечакана памерлага прапагандыста 49-гадовага Мікалая Шчокіна. Ягоная блізкая знаёмая ў эфіры сказала, што прычынай смерці стаў адарваны тромб.
На пахаванні, паводле сцвярджэння прапагандыстаў БТ, было «мора людзей і мора кветак». Камеры, праўда, асаблівых чэргаў не зафіксавалі. Не былі заўважаныя ў кадрах і дзейныя высокія чыноўнікі. За выключэннем лукашэнкаўскай прэс-сакратаркі Наталлі Эйсмант, якая прынесла вянок ад свайго начальніка і перадала падзяку за верную службу, асабліва цягам апошніх двух гадоў.
Акрамя Наталлі Эйсмант, прысутнічалі і гаварылі высокія словы пра вартасці нябожчыка кіраўнікі дзяржаўных каналаў Іван Эйсмант і Марат Маркаў, а таксама адыёзны прапагандыст з СТБ Рыгор Азаронак. З іншых вядомых асоб былі заўважаныя колішняя міністарка працы і сацыяльнай абароны Марыяна Шчоткіна і кіраўніца лукашэнкаўскага Беларускага саюза жанчын Вольга Шпілеўская.
З выказванняў сяброў, знаёмых і калег Шчокіна, якія сярод іншага казалі і пра «вельмі высокую маральную планку» нябожчыка і канстатавалі, што «прагнозы ягоныя збыліся», можна зразумець, што доктарскую навуковую ступень, пра якую, як сцвярджаецца, прапагандыст вельмі марыў, яму зацвердзяць пасмяротна.
Пахавалі Шчокіна на Чыжоўскіх могілках.
Будзьце асцярожныя ў каментарах у сацыяльных сетках пра гэтага чалавека. Нагадаем, што лукашэнкаўцы масава арыштоўваюць за каментары.
Чытайце таксама:
«Масква, Кіеў, Мінск — гэта тры братэрскія сястры». Пра што казаў у сваіх выступленнях прапагандыст Шчокін
Памёр прапагандыст Мікалай Шчокін
Цяпер чытаюць
Сын Пяткевіч вярнуўся з ЗША, каб заняцца кансультацыямі па крыптавалюце. І заадно падпрацаваць стажорам у БДУ3
Каментары