Санта-Клаусы вярталіся з паба на бронетранспарцёры і захраслі ў жывой агароджы
Бронетранспарцёр, у якім ехалі Санта-Клаусы, заблакаваў дарожны рух у Брытаніі ля горада Хейлі ў графстве Корнуал, паведамляе Бі-бі-сі.
Людзі, пераапранутыя ў касцюмы Санта-Клаусаў, верагодна, святкавалі ў пабах. А калі вярталіся назад на браніраванай машыне, то захраслі. Ратаваць іх давялося паліцыі.
Нікога не затрымалі.
Паласа для руху машын была заблакаваная каля дзвюх гадзін.
«Яны праляцелі міма мяне з песнямі, а пазней мы знайшлі іх у месцы, дзе паласа звужаецца», — распавёў відавочца.
З яго слоў, спробы вызваліць бронетранспарцёр выглядалі смешна.
Украінскія сацсеткі ўжо адрэагавалі на навіну, асноўнае пытанне — чаму бронетранспарцёр яшчэ не на фронце.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою27
Каментары