У штрафным ізалятары палітык правёў 10 дзён. Апошнія звесткі пра мужа паведаміла ў сваім фэйсбуку Марына Адамовіч.
«Як папярэджваў, парушыў парадак ліставання, бо з 20.12 па 29.12 быў у ШІЗА. Дзевяць [так у лісце] дзён гультайства, бо не трэба ні галіцца, ні распранацца, ні слаць і рассцілаць ложак, ні чытаць і пісаць. Нават хадзіць не абавязкова. Праўда, я там хаджу, бо месца там не раўнуй болей, чым у адзіночках», — напісаў Статкевіч.
Ён адзначыў, што яго камера маленькая, напрыклад, болей за чатыры крокі ад вакна да дзвярэй не атрымоўваецца.
Статкевіч таксама зазначае, што лістоў ад іншых людзей няма — відавочна, іх не прапусцяць.
«Але падзякуй ад мяне усім, хто спрабаваў павіншаваць мяне, хто маліўся за нас. Мае калядныя віншаванні ўсім ім. А таксама каляднае пажаданне людзям нашай і суседніх краін — «Міру і волі!» На жаль, досвед былых каланіяльных дзяржаў (Англіі, Францыі, Партугаліі і г.д.) сведчыць: адзіны эфектыўны сродак ад імперскіх комплексаў нацыі — гэта кроў яе сыноў», — рэзюмаваў Статкевіч.
Малады работнік «Мінск-Арэны» павінен заплаціць 71 мільён даляраў4
Каментары