Справу палітзняволенай Дар'і Лосік пачнуць разглядаць 18 студзеня ў Брэсцкім абласным судзе. Працэс будзе весці суддзя Мікалай Грыгаровіч, паведамляе «Вясна».
Паводле матэрыялаў справы, Дар'я дала інтэрв'ю «экстрэмісцкаму фарміраванню» «Белсат», «у якім пазіцыянавала сябе як жонку палітвязня. Яна дала асабістую негатыўную адзнаку дзяржаўным органам, да кампетэнцыі якіх аднесена ажыццяўленне крымінальнага пераследу і правасуддзя. Пры гэтым паведаміла, што яе муж не здзяйсняў крымінальных дзеянняў і асуджаны незаконна. Заклікала сваякоў іншых асуджаных узяць з яе прыклад».
Дар‘ю Лосік, жонку палітвязня Ігара Лосіка, затрымалі 18 кастрычніка. Блогер і журналіст Ігар Лосік цяпер адбывае прысуджаны яму 15-гадовы тэрмін у калоніі строгага рэжыму. Дачка Ігара і Дар'і цяпер знаходзіцца ў бабулі з дзядулем.
Каментары