Украіна — саюзнікам: Вызначыцеся, ці гатовыя выконваць абяцанні вайсковай дапамогі
Дарадца міністра абароны Украіны Юрый Сак сказаў Бі-бі-сі, што саюзнікам пара паставіць пад сумнеў рэалістычнасць уласных абяцанняў вайсковай дапамогі, калі яны так і не прыйдуць да згоды ў пытанні паставак сучасных танкаў Украіне.
Заходняя вайсковая дапамога павінна на два крокі апярэджваць дзеянні ворага, сказаў ён.
Германія сцвярджае, што не блакуе паставак нямецкіх танкаў іншымі краінамі. Польшча выказвала гатоўнасць адправіць Leopard-2 ва Украіну, і Фінляндыя далучылася да яе.
Міністр замежных спраў Пека Хаавіста сказаў Бі-бі-сі, што ў Фінляндыі ёсць пара сотняў «леапардаў», і яна гатовая стаць часткай таго, што ён назваў «экасістэмай» паставак танкаў Украіне.
«У нас заўсёды была такая мэта — Украіна павінна атрымаць у тым ліку і танкі, — сказаў ён. — У той жа час мы ведаем, што стварэнне экасістэмы для такіх мадэляў танкаў, як «леапарды», можа заняць месяцы і нават год, пакуль усё гарманізуецца, асабовы склад пройдзе навучанне і гэтак далей».
«Такім чынам, сёння вельмі важна перадаваць Украіне іншую зброю, якая можа быць выкарыстана неадкладна», — сказаў міністр.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»56
Каментары