Брэст і ваколіцы моцна падтапіла грунтавымі водамі, паднялася вада і ў рэках
Некаторыя тэрыторыі Брэста і яго ваколіц ператварыліся ў своеасаблівую «Венецыю». У сеціве з'явілася шмат фота і відэа затопленых участкаў. Сітуацыю пракаментаваў у тэлеграме старшыня Брэсцкага гарвыканкама Аляксандр Рагачук.
Віной усяму стала плюсавая тэмпература і багатыя ападкі. У выніку ў рэках Буг і Мухавец паднялася вада. У Бугу яе ўзровень складае 446 см (у пойме — 380 см), а ў Мухаўцы — 278 см (у пойме — 240 см). Адпаведна, падняліся і грунтавыя воды. Вось участкі і асобныя тэрыторыі горада і падтапіла.
Па словах Аляксандра Рагачука, апошні раз такая сітуацыя адзначалася каля 10 гадоў таму.
Толькі на гэтым тыдні ў МНС паступіла звыш 20 паведамленняў аб падтапленнях дваровых тэрыторый Брэста, садовых участкаў, дамоў і пабудоў.
У адным выпадку ратавальнікі дапамаглі адпампаваць ваду — там, дзе была пагроза затаплення ацяпляльнага і электраабсталявання. У астатніх — заяўкі перадаваліся ЖКГ.
Камунальныя службы ў 8 выпадках таксама адпампоўвалі ваду там, дзе меліся абмежаванні жыхароў у доступе ў жылыя дамы.
Мухавец, які выйшаў з берагоў, затапіў нават лавачкі на набярэжнай.
Старшыня гарвыканкама заўважае, што найбольш крытычная сітуацыя — у мікрараёне Гершоны і на тэрыторыі садаводчага таварыства «Рубеж», якое размешчанае ў непасрэднай блізкасці ад Буга. Там затапіла звыш сто садовых участкаў.
Чытайце таксама:
Паводка падтапіла некаторыя ўчасткі і дарогі на поўдні Беларусі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары