КНДР цалкам падтрымлівае Расію ў сітуацыі ва Украіне, заявіла сястра мясцовага правадыра Кім Чэн Ына, намесніца кіраўніка аддзела ЦК Працоўнай партыі Карэі Кім Е Чжон.
«Мы заўсёды будзем у адным акопе разам з арміяй і народам Расіі, якая стала на барацьбу для абароны годнасці і гонару дзяржавы, суверэнітэту і бяспекі краіны», — прыводзіць словы Кім Е Чжон расійскае афіцыёзнае агенцтва «РІА Навіны».
Па словах прадстаўніцы сям'і, якая кіруе Паўночнай Карэяй ужо амаль 80 гадоў, «ЗША, напампоўваючы Украіну вялікай колькасцю ўзбраенняў, «вызначыліся» ў стымуляванні працягу нестабільных сусветных падзей, а нядаўна зрабілі яшчэ больш яснай сваю антырасійскую пазіцыю, афіцыйна заявіўшы аб пастаўках сваіх асноўных танкаў».
Пры гэтым сястра Кім Чэн Ына выказала ўпэўненасць, што заходняя вайсковая тэхніка «будзе спаленая дашчэнту, сутыкнуўшыся з нязломным баявым духам і моцай гераічнай расійскай арміі і народа».
-
У Германіі пачаўся суд над украінцам, якога абвінавачваюць у падрыве «Паўночнага патоку»
-
Інжынер OpenAI ставіў жучкі ў офісе кампаніі. Яго затрымала ФБР, але пакуль няясна, на каго ён працаваў
-
Новая прэс-сакратарка Трампа правяла першы брыфінг — і ў Белым доме ўжо сумняваюцца, ці доўга яна пратрымаецца
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары