Грамадства11

«Сябры называюць мяне буслікам». Аказваецца, ёсць такая прафесія — перавозчык эмбрыёнаў

Афіцыйная назва працы ў Дзмітрыя — кур’ер па заборы біялагічнага матэрыялу. Сябры жартам называюць яго буслікам. На самай справе ён перавозіць эмбрыёны для тых сем’яў, якія вырашыліся пайсці на працэдуру экстракарпаральнага апладнення, каб займець доўгачаканых дзяцей. Гомельскі сайт «Штодзень» паразмаўляў з перавозчыкам эмбрыёнаў пра яго прафесію.

— Ці цікавая ў цябе праца?

— Праца вельмі цікавая, бо ты вандруеш па розных краінах, сустракаешся з новымі людзьмі. Гэта пастаянны рух, пералёты. Сёння я знаходжуся ў адной краіне, заўтра — у іншай.

— Ці ёсць страх, што нешта здарыцца з такім каштоўным грузам? Якія ўвогуле існуюць правілы перавозак эмбрыёнаў?

— Заўжды прысутнічае нейкая рызыка. Але груз перавозіцца ў спецыялізаваных ёмістасцях, якія важаць прыкладна кілаграмаў з 10. Самі эмбрыёны, зразумела, не цяжкія, важаць адмысловыя ёмістасці. Ёсць адмысловыя правілы перавозкі. Напрыклад, кантэйнер мусіць быць заўжды ў вертыкальным становішчы, яго нельга куляць, размахваць ім. У ёмістасці знаходзіцца азот. Аднак перад палётам яго ў клініцы зліваюць, бо ў самалёт з азотам нельга. У ёмістасці застаюцца пары азоту. Гэтых пароў хапае прыкладна на трое сутак, бо накрыўка ў ёмістасці, дзе перавозяцца эмбрыёны, — шчыльная. Потым груз прывозіш і яго запраўляюць зноў у клініцы. Ёмістасць у багаж не здаецца, бярэцца з сабой як ручная паклажа.

— Ці думаў калі-небудзь, што ў цябе будзе такая праца?

— Ніколі не думаў. Я нават не ведаў, што ёсць такая праца на свеце. Афіцыйна мая праца называецца кур’ер па заборы біялагічнага матэрыялу.

— Ці цяжка праходзіць мяжу, калі вязеш эмбрыёны?

— Няцяжка. З сабой у мяне суправаджальныя дакументы, аналізы з клінік, даверанасць ад людзей, што я магу перавозіць іх біялагічны матэрыял.

— А якая рэакцыя сяброў і знаёмых, калі чуюць, кім ты працуеш?

— Буслікам, які прыносіць дзяцей, мяне называюць. Яшчэ здараецца, што ахова ў метро жартуе. Пытаюць: «Гэта вы свае аналізы везяце ў такім чамадане? Гы-гы-гы».

— Ці адчуваеш нейкую місію, калі перавозіш такі важны груз?

— Канешне, бо я нясу радасць людзям (смяецца). Папаўняю, можна сказаць, грамадства новымі людзьмі.

— Ці падабаецца табе быць кур’ерам эмбрыёнаў?

— Праца мне падабаецца, але я разумею, што з цягам часу давядзецца шукаць штосьці больш зямное і перспектыўнае.

Каментары1

  • бу
    02.02.2023
    ну вось - аказалася праўда - некаторым дзяцей бусел прыносіць

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля24

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой55

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля24

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць