Рышы Cунак паабяцаў, што брытанскія танкі Challenger 2 будуць ва Украіне ўжо ў сакавіку
Прэм'ер-міністр Вялікабрытаніі Рышы Сунак паабяцаў, што брытанскія танкі Challenger 2 прыбудуць ва Украіну ўжо ў сакавіку гэтага года, а таксама паведаміў пра пашырэнне навучальнай праграмы для ўкраінскіх вайскоўцаў. Пра гэта ён заявіў на сумесным брыфінгу з прэзідэнтам Украіны Уладзімірам Зяленскім пасля сустрэчы з украінскімі танкістамі, якія цяпер асвойваюць гэтыя машыны, паведамляе «Еўрапейская праўда».
«Украінскія экіпажы, якія прыбылі на вучэнні на мінулым тыдні, будуць выкарыстоўваць танкі Challenger 2 для абароны суверэннай тэрыторыі Украіны ўжо ў наступным месяцы. І мы сёння дамовіліся пашырыць праграму навучання, праз якую прайшлі ўжо 10 тысяч украінскіх вайскоўцаў, на марпехаў і пілотаў знішчальнікаў», — заявіў Рышы Сунак.
Пры гэтым брытанскі прэм'ер адзначыў, што ягоная краіна прыкладае намаганні для таго, каб неабходная заходняя зброя апынулася ва Украіне ў найбліжэйшыя тыдні, а не праз месяцы або гады.
«Мы павінны ўзброіць Украіну ў кароткатэрміновай перспектыве і таксама ўзмацняць яе на доўгатэрміновую перспектыву. Нельга дапусціць, каб Украіна зноў была ўразлівай мішэнню для новай агрэсіі», — падкрэсліў Рышы Сунак.
15 студзеня Брытанія пацвердзіла планы перадаць Украіне эскадрон з 14 танкаў Challenger 2 і каля 30 САУ калібру 155 мм AS90.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары