27 кастрычніка быў прэзентаваны Беларускі незалежніцкі блок. Яго стварылі пад выбары правыя арганізацыі. Каментар Барыса Тумара.
27 кастрычніка быў прэзентаваны Беларускі незалежніцкі блок. Яго стварылі пад выбары правыя арганізацыі.
Старт кааліцыі далі ва Ўправе БНФ, на Варвашэні, 8. У тым самым месцы, у той самай абстаноўцы амбіцыйна гаварылася пра стварэнне папярэдніх кааліцый, якія так і не дабіліся галоўнага, чаго ад іх чакалі прыхільнікі, — дэмантажу дыктатуры. Хто толькі ні сядзеў на гэтых крэслах за апошнія пятнаццаць гадоў. Акцёры мяняюцца, а правілы гульні застаюцца ранейшымі.
Лябедзька супраць Мілінкевіча, Баршчэўскі супраць Янукевіча, Рымашэўскі супраць Калякіна, а Пазняк супраць усіх… Лукашэнкаўцы стымулююць падобныя канфлікты, умела падтрымліваючы слабейшых, пад’юджваючы амбітных і замоўчваючы пазітывы.
Як толькі барацьба за крэслы пачынае пераважваць барацьбу за змену свядомасці людзей, губляецца ratio дзеяння. І творцы, і канкурэнты БНБ павінны тое памятаць.
Каментары