27 студзеня да пяці гадоў калоніі асудзілі Арцёма Зубракова. Яго прызналі вінаватым паводле ч. 3 арт. 130 (распальванне расавай, нацыянальнай, рэлігійнай альбо іншай сацыяльнай варожасці альбо варажнечы), ч. 3 арт. 203-1 (незаконныя дзеянні ў дачыненні да інфармацыі пра асабістае жыццё і персанальныя даныя), піша «Вясна».
Справу ў закрытым рэжыме разгледзела суддзя Алена Бачышча.
Арцём Зубракоў — супрацоўнік «Белагра», які быў затрыманы ў канцы верасня 2022 года разам з калегамі. Паведамлялася, што крымінальныя справы заведзены на чатырох з іх, а затрымана было каля 20 чалавек. Праўладныя крыніцы пісалі, што супрацоўнікі прадпрыемства актыўна пратэставалі пачынаючы з 2020 года. Падчас вобшуку восенню 2022 года ў іх канфіскавалі атрыбутыку і мэблю ў бчб-колерах.
Арцём Зубракоў адзначаў, што яго затрымалі за падпіскі на «забароненыя» тэлеграм-каналы і перасылку «экстрэмісцкіх» матэрыялаў.
Каментары