Мінабароны расказала, калі вернуцца дадому прызваныя на зборы. Яшчэ не хутка
«Вайскоўцы, прызваныя з запасу для ўдзелу ў раптоўнай праверцы боегатоўнасці Узброеных сіл, сустрэнуць свята Вялікай Перамогі дома, у коле сваёй сям'і», — пра гэта паведаміў памочнік міністра абароны па ідэалагічнай працы ва Узброеных сілах — начальнік Галоўнага ўпраўлення ідэалагічнай работы Міністэрства абароны генерал-маёр Леанід Касінскі падчас размовы з ваеннымі журналістамі.
Леанід Касінскі расказаў, што ва Узброеных сілах працягваюцца мерапрыемствы па ўдасканаленні пытанняў баявой і мабілізацыйнай гатоўнасці.
«Пры гэтым умоўна гэты комплекс мерапрыемстваў можна падзяліць на тры асноўныя складнікі:
Першы складнік — гэта планавыя мерапрыемствы баявой падрыхтоўкі па планах камандзіраў злучэнняў і камандуючых войскамі.
Другі напрамак — гэта комплекс планавых і раптоўных мерапрыемстваў праверачнага характару па планах міністра абароны і Генеральнага штаба, у тым ліку праверка гатоўнасці сістэмы тэрытарыяльнай абароны дзяржавы.
І трэцяе — гэта праводзіцца маштабная праверка гатоўнасці Узброеных сіл да выканання задач па прызначэнні па плане Галоўнакамандуючага узброенымі сіламі, якая праводзіцца пад кіраўніцтвам Дзяржаўнага сакратарыята Рады бяспекі.
Акрамя таго, мы працягваем выконваць задачы па ўзмацненні ўчасткаў дзяржаўнай мяжы на поўдні краіны і падрыхтоўцы падраздзяленняў рэгіянальнай групоўкі войскаў», — расказаў Леанід Касінскі.
Такім чынам зборы скончацца да 9 мая.
У Брэсцкай вобласці мужчын масава забіраюць на зборы, могуць падняць з ложка
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі26
Каментары