Лукашэнка падпісаў указ аб ПВТ: у структуры парка з'явіцца кіруючая кампанія
12 красавіка Аляксандр Лукашэнка падпісаў указ №102 «Аб развіцці Парка высокіх тэхналогій». Зараз у структуры ПВТ з'явіцца кіруючая кампанія, якая будзе займацца «інтэнсіўным стратэгічным развіццём».
«Кіруючая кампанія будзе прадстаўляць ПВТ пры ўзаемадзеянні з замежнымі партнёрамі, аказваць рэзідэнтам парка садзейнічанне ў пашырэнні экспарту, выхадзе на новыя рынкі і прыцягненні замежных інвестыцый».
Вызначыць юрыдычную асобу павінен будзе ўрад.
Пры гэтым усе ўмовы дзейнасці ў парку — прававыя, падатковыя, фінансавыя — захоўваюцца на ранейшым узроўні без якіх-небудзь змяненняў. У поўным аб'ёме захоўваюцца і паўнамоцтвы назіральнай рады ПВТ, для забеспячэння дзейнасці якой будзе сфарміраваны сакратарыят.
У дакуменце таксама сказана, што зараз адміністрацыя ПВТ будзе рэарганізавана «шляхам далучэння» да назіральнай рады ПВТ.
Сярод іншага сакратарыят назіральнай рады будзе ажыццяўляць узаемадзеянне з вайсковымі камісарыятамі, арганізацыямі Узброеных сіл, а таксама іншых воінскіх фарміраванняў па пытаннях прызыву на службу работнікаў рэзідэнтаў ПВТ.
Дзейнасць сакратарыята назіральнай рады ПВТ фінансуецца ў тым ліку «за кошт адлічэнняў, якія праводзяцца рэзідэнтамі ПВТ.
Адметна, што шэсць падпунктаў указа схавана пад грыфам «Для службовага карыстання».
Лукашэнка заявіў, што рыхтуюцца змены ў рэгуляванні працы ПВТ
Каментары