Кіраўніцтва Фінляндыі прыйшло да высновы, што без плота на мяжы з Расіяй яму не абысціся, паколькі наяўнасць гэтай перашкоды паспрыяе барацьбе з нелегальнай міграцыяй і павысіць бяспеку краіны. Узвядзенне першага ўчастка пачнецца зусім хутка.
Агульная даўжыня плота, па планах фінскіх інжынераў, складзе дзвесце кіламетраў, а завяршыць работы плануюць да 2026 года. Вышыня агароджы складзе тры метры, а зверху будзе нацягнуты калючы дрот.
Плот забяспечаць начным рэжымам відэаназірання, пражэктарамі і дынамікамі на тых участках, дзе палічаць гэта асабліва важным. Затым фіны ўзвядуць амаль 75 кіламетраў пагранічных агароджаў і КПП.
4 красавіка Фінляндыя афіцыйна стала членам НАТА. Дагэтуль краіна з часоў заканчэння Другой сусветнай вайны паслядоўна трымалася палітыкі нейтралітэту і хоць у 1995 годзе стала сяброўкай Еўрасаюза, ад уваходжання ў ваенна-палітычныя блокі ўстрымлівалася, хоць і мела вельмі моцную армію. Аднак агрэсіўная палітыка Крамля і напад пуцінскай Расіі на Украіну ў мінулым годзе ўсё радыкальна памянялі.
Каментары