З новага навучальнага году ў сярэдніх школах гісторыю Беларусі можна будзе выкладаць па-расейску. Дагэтуль узаконенае было толькі беларускамоўнае выкладаньне.
З новага навучальнага году ў сярэдніх школах гісторыю Беларусі можна будзе выкладаць па-расейску. Дагэтуль узаконенае было толькі беларускамоўнае выкладаньне.
Рашэньне пра перавод, падрыхтаванае Міністэрствам адукацыі, надрукавана ў «Настаўніцкай газеце». Гаворка ў ім, што праўда, вядзецца толькі пра 9--10-я клясы 12-годкі. Расейскамоўныя школы змогуць самі выбіраць мову, на якой настаўнікі будуць распавядаць вучням пра Вітаўта, Купалу і Лукашэнку. Дазнацца прычынаў такога пераводу ў чыноўнікаў міністэрства цяпер немагчыма: яны спасылаюцца на тое, што распрацоўшчыца рашэння Надзея Ганушчанка сышла ў адпачынак. І дадаюць: «Дзяржаўныя мовы дзьве. У чым праблема?»
Варта зазначыць, аднак, што да 1 верасьня павінен зьявіцца і адпаведны загад Мінадукацыі, і выйсьці з друку расейскамоўныя падручнікі. А гэта значыць, што рашэнне рыхтавалася загадзя.
Пра намер узьняць хвалю пратэстаў заявіла Таварыства беларускай мовы. На думку яго кіраўніка Алега Трусава, ідзе чарговая праверка беларускага грамадзтва на «вашывасьць»: зьямо мы гэтую абразу ці абурымся?
На думку Трусава, агульны фронт супраціву міністэрскаму рашэньню могуць скласьці вучні, бацькі і настаўнікі: «Настаўніка ніхто не прымусіць выкладаць па-расейску. А ў яго ж ужо ўсе навучальныя пляны й распрацоўкі зробленыя па-беларуску».
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Цяпер чытаюць
Зяленскі: Рэтранслятары на мяжы Беларусі прыпынілі працу69
Каментары