Новай назвай былога «Макдональдс» стала «Мак.by». Пра гэта паведамляе тэлеграм-канал «Мерзкий Кокобай».
Фота: Koko.by
«Гістарычны момант: «Мы адчыненыя» цяпер афіцыйна «Мак.бай», сайт таксама памяняў імя на Mak.by!», — напісаў ён.
Сітуацыя са зменай назвы цягнулася пяць месяцаў. Спачатку была інфармацыя, што рэстараны будуць працаваць пад назвай «Вкусно і точка».
Але на нарадзе 12 снежня Лукашэнка заявіў, што «Макдональдс» цяпер «наша прадпрыемства».
У лютым рэстараны сталі працаваць пад назвай «Мы адчыненыя».
Падчас паслання да народа 31 сакавіка Лукашэнка наракаў, што яму даводзіцца шмат што рабіць самому: «Умешвацца і вучыць то таго, то гэтага, то «Макдональдс» нейкі перарабляць у «Макбай».
Каментары