10 лістапада спаўняецца 90 год стваральніку аўтамата Калашнікава — Міхаілу Калашнікаву.
Ён нарадзіўся ў 1919 г. у Алтайскай губерні. А ўжо ў 1930 г. сям’я Калашнікавых была раскулачаная і высланая ў Сібір на пасяленне.
З пачаткам вайны Міхаіл Калашнікаў адразу трапляе на фронт у якасці камандзіра танка, аднак ўжо ў кастрычніку быў цяжка паранены і шпіталізаваны.
Менавіта падчас лячэння ў шпіталі Калашнікаў і распрацаваў першую версію свайго знакамітага аўтамата.
Цікава, што спачатку новая зброя была забракаваная. І атрымала наступную ацэнку: «Пісталет‑кулямёт Калашнікава больш складаны і дарагі ў вытворчасці, чым ППШ‑41 і ППС, і патрабуе прымянення дэфіцытных матэрыялаў і павольных фрэзерных прац. Таму, нягледзячы на шматлікія перавагі (малая вага, даўжыня, магчымасць вядзення адзіночнага агню, удалае сумяшчэнне механізмаў, кампактны шомпал і інш.), у цяперашнім сваім выглядзе прамысловай цікавасці не ўяўляе».
Аднак на фронт М.Калашнікаў больш не вярнуўся. Спачатку працаваў у Навукова‑даследчым палігоне стралковай зброі, а пасля вайны на Іжэўскім мотазаводзе. Дзе і была наладжана вытворчасць знакамітага АК‑47.
Пазней аўтамат шмат разоў удасканальваўся і мадэрнізаваўся. На сёння гэта адзін з самых пашыраных відаў зброі ў свеце. Ён нават ёсць у гербах некаторых краін. А яго стваральнік больш за дзесяць разоў узнагароджваўся разнастайнымі ордэнамі і з’яўляецца лаўрэатам Ленінскай і Сталінскай прэмій, а таксама дзяржаўнай прэміі Расіі і нават Літаратурнай прэміі імя Суворава. Стваральнік аўтамата настолькі палюбіўся жыхарам Іжэўска, што тыя нават паставілі яму прыжыццёвы помнік.
Брэнд «Калашнікаў» выкарыстоўваецца не толькі ў вытворчасці зброі. Сёння існуюць парасоны, нажы, гадзіннікі і нават гарэлка «Калашнікаў».
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам19
Каментары