На Гомельшчыне з'явіцца турыстычны маршрут па Чарнобыльскай зоне
У Гомельскай вобласці запусцяць новы турыстычны маршрут, які будзе пралягаць праз тэрыторыю Палескага дзяржаўнага радыяцыйна-экалагічнага запаведніка.
Новы маршрут пройдзе па адселеных вёсках у Нараўлянскім раёне, жыхары якіх былі вымушаныя пакінуць свае дамы з-за аварыі на Чарнобыльскай АЭС. Турысты змогуць наведаць вёскі Цешкава і Дзярновічы, паведамляе БелТА.
У пачатку 2023 года ў Дзярновічах у разбуранай капліцы знайшлі старадаўні абраз «Хрышчэнне Гасподняе», які знаходзіўся там практычна 37 гадоў і захаваўся ў добрым стане. Спецыялісты назвалі гэта «цудам».
У Цешкаве маюць намер адкрыць музей савецкага побыту.
Таксама ў гэтым рэгіёне выявілі «крыніцу з крыштальна чыстай вадой, якая не замярзае нават у мінусавую тэмпературу».
Маршрут праходзіць фінішныя этапы ўзгаднення і хутка будзе даступны для турыстаў.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары