Рознічныя цэны на аўтамабільнае паліва на АЗС Беларусі з 25 красавіка зноў знізяцца на 1 капейку. Пра гэта паведамляецца на афіцыйным сайце канцэрна «Белнафтахім».
Цана аднаго літра паліва з аўторка складзе:
- бензіну АІ-92-К5-Еўра — 2,28 рубля;
- бензіну АІ-95-К5-Еўра — 2,38 рубля;
- бензіну АІ-98-К5-Еўра — 2,60 рубля;
- дызельнага паліва — 2,38 рубля.
Папярэднія змены цэн на аўтапаліва адбыліся 7, 14, 21 і 28 сакавіка, 4, 11 і 18 красавіка. Яно таксама таннела на адну капейку. Да гэтага цэны не мяняліся з чэрвеня 2022 года.
Раней «Белнафтахім» паведамляў пра намеры памяншаць цану па панядзелках, але цяпер, відаць, у сувязі з вялікімі выхаднымі зрабіў гэта ў пятніцу.
Каментары