Кліматычныя актывісты ў Берліне заблакавалі дарогу, па якой ехала хуткая. А пасля гэтага абвінавацілі ўлады ў правакацыі
Напярэдадні, 24 красавіка, кліматычныя актывісты руху «Апошняе пакаленне» правялі чарговую акцыю ў нямецкай сталіцы: пратэстоўцы прыклеілі сябе да дарожнага палатна адразу ў 30 розных месцах, піша Bild.
Пасля гэтага ў Берліне паўсталі сур'ёзныя заторы: на адну з фатаграфій трапіла машына хуткай дапамогі, якая не магла праехаць праз затор на дарозе.
Па словах відавочцаў, кіроўца хуткай дапамогі спрабаваў аб'ехаць затор і сігналіў кліматычным актывістам, каб тыя сышлі з дарогі, аднак яго праігнаравалі. Пасля прадстаўнікі «Апошняга пакалення» заявілі, што, насамрэч, хуткая дапамога нібыта не ехала на выклік, а спецыяльна дзяжурыла там напярэдадні іх акцыі.
Улады Берліна абверглі гэтае сцвярджэнне: па даных чыноўнікаў, машына хуткай дапамогі ехала на тэрміновы выклік у густанаселены раён горада Шэнеберг. У выніку, калі медыкі апынуліся ў заторы, выклік перадалі іншай машыне.
Агулам, паводле звестак уладаў, за ўвесь час пратэсты кліматычных актывістаў стварылі праблемы як мінімум для 15-ці машын хуткай дапамогі.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»2
Каментары