Другі энергаблок БелАЭС даў у энергасістэму краіны першыя кілават-гадзіны электраэнергіі, паведамляе Мінэнерга.
13 мая ў 13.24 у рамках этапнай праграмы энергетычнага пуску адбылося першае ўключэнне ў сетку другога энергаблока БелАЭС — ён выдаў у аб'яднаную энергасістэму краіны першыя кілават-гадзіны электраэнергіі.
Сінхранізацыі турбагенератара другога энергаблока атамнай станцыі з энергасістэмай папярэднічаў вялікі аб'ём работ, у тым ліку па вывадзе рэактарнай устаноўкі ў крытычны стан, затым — на мінімальна кантраляваны ўзровень магутнасці з далейшым яе павышэннем да 40%.
Усе тэхналагічныя аперацыі выкананыя ў адпаведнасці з рэгламентам, з захаваннем неабходных патрабаванняў бяспекі, паведамляе Мінэнерга.
У найбліжэйшы час спецыялісты працягнуць паэтапнае засваенне магутнасці рэактара блока да 100% — наперадзе этап яго доследна-прамысловай эксплуатацыі. Ён прадугледжвае шырокі спектр выпрабаванняў тэхналагічных сістэм і абсталявання на розных рэжымах працы блока, у тым ліку з яго адключэннем ад сеткі.
Увод блока ў прамысловую эксплуатацыю запланаваны ў 2023 годзе.
Нагадаем, што ў мінулым годзе доўгі час прастойваў першы энергаблок АЭС.
Цяпер чытаюць
У трансляцыі інаўгурацыі Лукашэнкі выкарысталі камп'ютарную графіку. Вось у якім моманце7
Каментары