25 мая пачнуць судзіць 21-гадовага Дзмітрыя Гудзеева — яго абвінавачваюць па «тэрарыстычным» артыкуле
25 мая ў Мінскім гарадскім судзе будзе разглядацца справа Дзмітрыя Гудзеева. Хлопцу інкрымінаваная ч. 2 арт. 290-5 КК (арганізацыя дзейнасці тэрарыстычнай арганізацыі і ўдзел у дзейнасці такой арганізацыі) і ч. 3 арт. 361-1 КК (стварэнне экстрэмісцкага фармавання або ўдзел у ім).
Працэс будзе весці Наталля Бугук, піша «Вясна».
Дзмітрыю 21 год і, мяркуючы па яго старонках у сацсетках, у мінулым траўні ён скончыў тэрміновую службу ў вайсковай частцы 3214 у Мінску. Учора хлопца дадалі ў «тэрарыстычны спіс» КДБ.
Паводле інфармацыі крыніц, падчас брутальнага затрымання Дзмітрый быў моцна збіты. У чым менавіта абвінавачваюць Гудзеева — праваабаронцам невядома.
Каментары