Украінскія антыкарупцыйныя органы затрымалі старшыню Вярхоўнага Суда Украіны Усевалада Князева пры атрыманні ім хабару, паведаміла «Украінская праўда» са спасылкай на свае крыніцы ў праваахоўных органах.
![](http://nashaniva.com/img/w732d4webp1/photos/z_2023_05/086a477-knyazev-habar--nabu--akjy9.jpg.webp)
Паводле выдання, Нацыянальнае антыкарупцыйнае бюро Украіны і Спецыяльная антыкарупцыйная пракуратура Украіны задакументавалі атрыманне хабару памерам каля 3 мільёнаў даляраў старшынём Вярхоўнага Суда. Працягваюцца следчыя дзеянні.
НАБУ пацвердзіла, што выкрытая «маштабная карупцыя ў Вярхоўным судзе», а менавіта схема атрымання неправамернай выгады кіраўніцтвам і суддзямі. Дэталі ў НАБУ паабяцалі даць пасля, але ўжо апублікавалі фота грошай.
Усевалад Князеў кіруе Вярхоўным судом Украіны з 1 снежня 2021 года. 25 мая яму споўніцца 44 гады.
Каментары