Зборная Расіі выйграла ў Маскве ў Славеніі – 2:1
(два галы ў расіян забіў гулец «Эвертана» Дзініяр Білялетдзінаў), прычым за сем хвілін да канца сустрэчы расіяне вялі – 2:0. Матч у адказ пройдзе ў сераду ў Марыборы.
Зборная Украіны згуляла ўнічыю ў Афінах з Грэцыяй - 0:0.
18 лістапада каманды згуляюць у Данецку.
Нагадаем, што зборная Украіны была супернікам зборнай Беларусі па адборачнай групе. У Львове 6 верасня 2008 г. падапечныя Бернда Штанге прайгралі 0:1, прапусціўшы з вельмі спрэчнага пенальці, у Мінску 9 верасня 2009 г. была зафіксавана нічыя 0:0.
Ірландыя – Францыя - 0:1, Партугалія – Боснія - 1:0. Коста-Рыка - Уругвай - 0:1.
У суботу пуцёўкі заваявалі зборныя Новай Зеландыі (наймацнейшая каманда Акіяніі, што гуляла з 5-й камандай Азіі – Бахрэйнам), а таксама зборныя Камеруна, Нігерыі (група Афрыка), што выйгралі турнір у сваіх групах. У групе «C» зборныя Егіпта і Алжыра завершылі турнір з ідэнтычнымі вынікамі (сёння Егіпет перамог Алжыр – 2:0), і 18 лістапада ў Судане між гэтымі камандамі пройдзе дадатковы матч.
***
Пуцёўкі на чэмпіянат свету па футболе — 2010 па стане на суботу 14 лістапада забраніравалі 26 зборных з 32-х:
Паўднёва‑Афрыканская Рэспубліка (як арганізатар),
Еўропа: Англія, Данія, Галандыя, Іспанія, Італія, Германія, Славакія, Сербія, Швейцарыя.
Азія: Японія, КНДР, Рэспубліка Карэя, Аўстралія.
Афрыка: Гана, Кот Д’Івуар, Камерун, Нігерыя.
Паўднёвая Амерыка: Бразілія, Парагвай, Чылі, Аргентына.
КОНКАКАФ: Мексіка, ЗША, Гандурас.
Акіянія: Новая Зеландыя.
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну24
Каментары