Цэнтральны батанічны сад запрашае ўсіх палюбавацца ад сённяшняга дня.
Пачатак калекцыі бэзу быў пакладзены ў 1933 годзе. А ўжо ў 60-х гадах пачалося фармаванне сірынгарыю. Асноўны фонд калекцыі Цэнтральнага батанічнага саду складаецца з гістарычнага, класічнага бэзу — гэта перш за ўсё сарты замежнай селекцыі (Францыя, Германія, Нідэрланды), а таксама сарты краін СНД, у тым ліку расійскага селекцыянера з сусветным прызнаннем Л. Калеснікава, паведамляе Батанічны сад у сябе ў інстаграме.
У 2011 годзе калекцыя бэзу Цэнтральнага батанічнага саду атрымала міжнароднае прызнанне. Гэта перш за ўсё — белыя сарты — Лябёдушка, абаронцам Брэста, Месяцовае святло, лілова-пурпурныя — Паўлінка, Мінчанка, ружаватыя — Жамчужына, Вера Харужая, блакітнаватыя — К. Заслонаў, Партызанка. Мала распаўсюджаныя ў батанічных садах — Зорка Венера, Беларускія зоры, Свіцязянка, Поспех, Добры настрой, Палеская легенда, Памяці А. Т. Смольскай, Несцерка.
У цяперашні час калекцыя бэзу Цэнтральнага батанічнага саду налічвае больш за 200 сартоў. Асаблівую каштоўнасць у ёй уяўляюць віды ўласнай селекцыі.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу16
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары
увогуле Батанічны заўжды радуе. было некалькі ўвогуле памятных момантаў. так у адну з суровых снежных зім там каталі на санях (на кані) мы жудасна змерзлі, але былі вельмі давольныя, бо незвычайна - сад у новым выглядзе
ці вось дзесьці за тыдзень-два да родаў пайшла ў сад, а касір кажа - я вам дзіцячы квіток прадам. грошы (розніца) не такія вялікія, але, як гаварыцца - як прыемна