Усяго патроху22

Нарэшце з’явілася тое, што ўсе чакалі, — ровар з трохкутнымі коламі

Спробы вынайсці ровар не толькі не спыняюцца, але і выходзяць на якасна новы ўзровень.

Выява: скрыншот відэа YouTube

Усяго крыху больш за месяц таму мы паведамлялі пра ровар з квадратнымі коламі, відэа з якім з’явілася на YouTube. Тамтэйшыя інжынеры спраектавалі і пабудавалі ровар з цалкам квадратнымі коламі. На першы погляд, такі транспартны сродак выглядаў абсалютна непрыдатным для язды, але распрацоўка з квадратнымі коламі выкарыстоўвала зусім іншы падыход да перамяшчэння ў прасторы-часе. Квадратныя колы самі па сабе не каціліся, а рухаўся такі «лісапед» пры дапамозе роварных ланцугоў, спалучаных з разрэзанымі гумовымі шынамі. Такім чынам бесперапынны пратэктар, які круціцца з вонкавага боку кожнага квадратнага «кола», па сутнасці ператварыў ровар у танк з педальным прывадам.

Папярэдні праект каманды — ровар з квадратнымі коламі

Але інжынеры са The Q вырашылі не спыняцца на квадратных колах. Пасля поспеху мінулага дызайну яны вярнуліся да чарцёжнай дошкі, каб прыдумаць дызайн з трохкутнымі коламі. І, у адрозненне ад квадратных, трохкутныя колы сапраўды коцяцца як круглыя. Гэта ідэя, якая здаецца немагчымай; або па меншай меры ездзіць на такой канструкцыі, здаецца, было б неймаверна нязручна.

Аднак з невялікім выгінаннем кожнага боку трохкутніка і стварэннем пары шарнірных (і абсталяваных абмежавальнікамі) рычагоў, якія дазваляюць цэнтру кожнага кола рухацца ўверх і ўніз, на новым транспартным сродку можна ездзіць амаль без дыскамфорту. Магчыма, нехта палічыць такі спосаб перасоўвання нават больш зручным. 

Працэс стварэння распрацоўшчыкі выклалі на сваім канале. Як вынікае з відэа, гоншчык адчувае лёгкі ўсплёск хуткасці наперад кожны раз, калі трохкутныя колы пераходзяць ад сваёй вяршыні да плоскіх бакоў, але ў астатнім канструкцыя здаецца даволі зручнай для язды і, верагодна, магла б быць прыдатнай для перасоўвання па няроўнай мясцовасці.

Каментары2

  • Bhagawan
    10.06.2023
    Navošta bolš składanaja i adpaviedna daražejšaja kanstrukcyja, kali joś praściej? Jakija pirajahi dajuć takija koły? što budzie, kali zajedzieš ŭ brud?
  • Казік
    11.06.2023
    Па вашай 2-гой спасылцы ёсць відэа з такім жа роварам)
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць