Дзякуючы дапамозе партнёраў у рамках кааліцый Patriot і сучасных знішчальнікаў будзе пакладзены канец расійскаму ракетнаму тэрору, а таксама гэта дазволіць наблізіць мір. Пра гэта заявіў Уладзімір Зяленскі на саміце Еўрапейскай палітычнай супольнасці ў Малдове, паведамляе «Еўрапейская праўда».
Зяленскі нагадаў, што падчас сённяшняй расійскай ракетнай атакі на Кіеў загінулі тры чалавекі, у тым ліку адно дзіця.
«Цяпер ёсць два вырашальныя складнікі: кааліцыя Patriot, якая пакладзе канец расійскаму шантажу балістычнымі ракетамі, і кааліцыя сучасных знішчальнікаў, якія дакажуць, што тэрор супраць нашых гарадоў не мае шанцаў», — адзначыў Зяленскі.
Паводле яго слоў, хуткасць фарміравання гэтых кааліцый «літаральна паскарае мір».
Зяленскі прыбыў на саміт Еўрапейскай палітычнай супольнасці, які праходзіць у «замку Мімі» ў вёсцы Бульбоака. Па прыбыцці ён заявіў, што на сустрэчы будзе развіваць «кааліцыю знішчальнікаў» і прапануе «кааліцыю Patriot».
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна3
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары