Мінчук спаў у чужым аўто, а потым умудрыўся яго прадаць за 150 рублёў
Цікавы выпадак адбыўся днямі ў сталіцы.
У міліцыю звярнуўся мінчук з заявай аб крадзяжы аўтамабіля. Ён расказаў, што пакінуў машыну ў няспраўным стане на стаянцы гандлёвага цэнтра, паведамляе мінская міліцыя.
Супрацоўнікі крымінальнага вышуку Фрунзенскага РУУС высветлілі абставіны здарэння і затрымалі 38-гадовага мужчыну.
Ён растлумачыў, што ўбачыў на паркоўцы аўтамабіль, дзверцы якога былі адчыненыя. Мужчына сеў у салон, дзе ў бардачку знайшоў дакументы.
На працягу некаторага часу затрыманы перыядычна спаў у машыне, пасля чаго ахоўнік гандлёвага цэнтра папрасіў адагнаць яе. Фігурант размясціў аб'яву і прадаў машыну за 150 рублёў, грошы, безумоўна, патраціў.
Характэрна, што пакупнік набыў тэхнічна няспраўнае аўто і самастойна штурхаў яго са стаянкі.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары