Пад Астраўцом насмерць разбіўся літоўскі матацыкліст пасля сутыкнення з машынай расіяніна
Матацыкліст з Літвы днём 12 чэрвеня разбіўся пасля сутыкнення з аўтамабілем Mazda пад Астраўцом. Падрабязнасці здарэння агучылі ва УУС Гродзенскага аблвыканкама.
Па інфармацыі ведамства, у панядзелак 12 чэрвеня ў 13:45 у аператыўна-дзяжурную службу ДАІ паступіла інфармацыя аб дарожна-транспартным здарэнні на 15-м кіламетры аўтадарогі Р-52 Газа — Астравец — Ашмяны ў Астравецкім раёне.
Паводле папярэдняй інфармацыі, за рулём матацыкла Suzuki знаходзіўся 32-гадовы літовец. Ён пачаў выконваць абгон на скрыжаванні, а ў гэты момант 35-гадовы кіроўца Mazda, які рухаўся ў спадарожным кірунку, спрабаваў павярнуць налева.
У выніку транспартныя сродкі сутыкнуліся па датычнай. Паведамляецца, што матацыкліст памёр на месцы, а матацыкл апынуўся за межамі праезнай часткі, дзе адбылося ўзгаранне выцеклага паліва.
За рулём легкавога аўтамабіля знаходзіўся грамадзянін Расіі. Ён не пацярпеў.
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы23
Каментары