Беларуска Алена Повышава заваявала «Крыштальную саву» на «Што? Дзе? Калі?»
Яе каманда выйграла фінал летняй серыі гульняў у маскоўскім клубе.
Каманда Алены Повышавай (Дзмітрый Аўдзеенка, Сяргей Кавалеўскі, Віталь Пагарэлаў, Сяргей Кашнікаў, Павел Яршоў і сама Алена Повышава) аказалася ў фінале, калі выйграла адборачную гульню, а астатнія прэтэндэнты, у тым ліку каманда Алеся Мухіна, свае гульні прайгралі.
Цікава, што ў фінале на стале было тры пытанні ад тэлегледачоў з Беларусі. Прычым першым акурат выпала пытанне ад Аляксандра Федзюковіча з Бярозы.
Каманда выйграла фінал, а потым пачалося ўзнагароджанне.
Спачатку Алена Повышава атрымала прыз «Крыштальны атам» як найлепшы гулец каманды, а затым магістры прагаласавалі за яе як найлепшага гульца летняй серыі — беларуска атрымала «Крыштальную саву».
Алена Повышава скончыла ўніверсітэт у Мінску, але з 2011 года жыве ў Санкт-Пецярбургу. У «Што? Дзе? Калі?» гуляе з 2012 года, два апошнія гады не гуляла. Яе муж — знаўца Юрый Філіпаў.
Варта заўважыць, што пасля шырокамаштабнага ўварвання Расіі ва Украіну многія знаўцы клуба пакінулі маскоўскую гульню ў знак пратэсту, таму некаторыя каманды выглядаюць досыць дзіўна. А пасля жніўня 2020 года дзясяткі гульцоў пакінулі беларускую версію ў знак пратэсту супраць рэпрэсій, гвалту і дрэннага рэнамэ тэлеканала АНТ, на якім ідзе беларуская праграма, якую вядзе Алесь Мухін.
Як Казлоў, Паташоў і іншыя знаўцы «Што? Дзе? Калі?» падтрымліваюць Пуціна ў вайне
Гульню «Што? Дзе? Калі?» ўпершыню за доўгі час паказалі не ў жывым эфіры. Магчыма, баяліся паўтарэння сітуацыі з плакатам
«Гэта была чыста амерыканская гульня, якая робіцца на касцях удзельнікаў». Барыс Бурда — пра «Што? Дзе? Калі?», яе вядучых і гульцоў
Пратасевічу адмянілі гіганцкі штраф, і ён паляцеў на адпачынак у Дубай13
Каментары