У 11-ы пакет санкцый Еўрасаюза ўключылі двух чыноўнікаў з Беларусі
Пастанова аб увядзенні 11-га пакета санкцый Еўрасаюза супраць Расіі ўступіла ў сілу, яна апублікаваная ў афіцыйным часопісе ЕС. Новыя санкцыі ўключаюць забарону на транспартаванне нафты з Расіі па паўночнай галінцы нафтаправода «Дружба», абмежаванні на ўезд расійскіх прычэпаў у Еўрасаюз, а таксама захады, скіраваныя супраць абыходу раней уведзеных абмежаванняў. Таксама ўведзеныя санкцыі супраць фізічных асоб і арганізацый.
У спіс фізічных асоб, якія патрапілі пад санкцыі, уключылі і двух беларускіх чыноўнікаў. Гэта кіраўнік Беларускай чыгункі Уладзімір Марозаў і старшыня Дзяржаўнага ваенна-прамысловага камітэта Дзмітрый Пантус.
Сцвярджаецца, што Уладзімір Марозаў падтрымліваў разгортванне і транспарціроўку расійскага вайсковага персаналу і тэхнікі, якія ўдзельнічалі ў вайне, таму нясе адказнасць за падтрымку і рэалізацыю дзеянняў і палітыкі, якія пагражаюць тэрытарыяльнай цэласнасці, суверэнітэту і незалежнасці Украіны.
Структура, якой кіруе Дзмітрый Пантус, распрацоўвае і абслугоўвае ўзбраенне, вайсковую і спецыяльную тэхніку, садзейнічае вытворчасці зброі падведамнымі прадпрыемствамі, забяспечвае ваенна-прамысловую кааперацыю. Таксама Дзяржкамваенпрам займаецца наглядам за перамяшчэннем зброі праз дзяржаўную мяжу і забяспечвае навігацыю расійскага войска. Падкрэсліваецца, што на сваёй пасадзе Пантус аказвае вайсковую падтрымку Расіі ў яе вайне супраць Украіны.
Пра намер уключыць Марозава і Пантуса ў санкцыйны спіс было вядома з пачатку мая. Нацыянальнае антыкрызіснае ўпраўленне сцвярджае, што пасля таго былі спробы лабістаў Лукашэнкі на Захадзе выключыць абодвух з пераліку, але «нам удалося забяспечыць іх унясенне ў санкцыйны спіс».
Цяпер чытаюць
Хто той замежнік, які забіў жонку і згвалтаваў падчарыцу ў Добрушы16
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары