Невядомы расіянін перадаў закінутую сядзібу вялікіх князёў Раманавых пад Барысавам фонду Талая
Дом-сядзіба вялікіх князёў Раманавых у аграгарадку Стара-Барысаў Барысаўскага раёна здабыла новых гаспадароў: яе невядомы расіянін падарыў фонду Аляксея Талая. Пра гэта 28 чэрвеня ва Уфе на сустрэчы кіраўнікоў органаў дзяржаўнай улады рэгіёнаў Расіі і Беларусі распавёў сам Аляксей Талай, заўважыла выданне Ex-Press.by ў башкірскай прэсе.
Цяпер фонд Талая плануе пабудаваць тут рэабілітацыйны цэнтр для дзяцей, якія страцілі канечнасці.
Калі менавіта невядомы расіянін стаў уладальнікам гэтай сядзібы, невядома. Але цяпер для будаўніцтва тут самай сучаснай, забяспечанай усім неабходным абсталяваннем установы старшыня Савета Федэрацыі Расіі Валянціна Мацвіенка прапанавала не аб'яўляць збор сродкаў, а выкарыстаць бюджэт Саюзнай дзяржавы.
Дом-сядзіба вялікіх князёў царскага дому Раманавых у аграгарадку Стара-Барысаў ужо шмат гадоў разбуралася. Тут мянялася шмат гаспадароў, былі спробы аднаўлення і рэканструкцыі, але яны не мелі поспеху.
Пасля пачатку поўнамаштабнай вайны ва Украіне фонд Аляксея Талая збірае дапамогу для самаабвешчаных «ДНР» і «ЛНР» і прывозіць у Беларусь на «аздараўленне» дзяцей з акупаваных тэрыторый, што прызнана Міжнародным крымінальным судом ваенным злачынствам.
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары