Паказная раскоша, шмат грошай, свой апарат ШВЛ і парыкі. Расійскія прапагандысты апублікавалі ФОТА з дома Прыгожына
У расійскіх пракрамлёўскіх медыя і тэлеграм-каналах 5 ліпеня з'явіліся шматлікія фота і відэа, знятыя нібыта ў асабняку і офісе кіраўніка ПВК «Вагнер» Яўгена Прыгожына, калі там падчас ягонага мяцяжу праводзіліся ператрусы.
У вялікім двары двухпавярховага асабняка ёсць уласная верталётная пляцоўка, а ў доме — басейн, саўна, трэнажорная зала, медкабінет.
Быў у доме і свой медыцынскі кабінет з апаратам штучнай вентыляцыі лёгкіх.
Акрамя таго, мяркуючы па фота, у доме выявілі цэлы арсенал зброі і патроны да яе, зліткі золата, некалькі пашпартоў, парыкі, пачкі валюты, а таксама асабісты пакой для малітваў з вялікім падсвечнікам і мноствам абразоў.
Тым не менш, як выглядае, нічога з гэтага ў выніку ў Прыгожына не канфіскавалі, апошнія дні з'яўляюцца паведамленні, што ўсё забранае галоўнаму вагнераўцу вярнулі, у тым ліку зброю і грошы.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары