Прыгожыну вярнулі 10 мільярдаў расійскіх рублёў, знойдзеныя падчас ператрусаў у Пецярбургу
Першапачаткова вяртаць выяўленыя 24 чэрвеня сродкі — 10 мільярдаў расійскіх рублёў (на сёння гэта 110 мільёнаў даляраў), сотні тысяч даляраў і пяць зліткаў золата — сілавікі не збіраліся, але «ўмяшалася акалічнасць непераадольнай сілы».
Асабіста па грошы ў Пецярбург экс-мяцежнік не паехаў. Пры гэтым, паводле папярэдніх звестак, бізнэсовец у выходныя знаходзіўся ў Маскве, дзе прысутнічаў на нейкіх нарадах.
Замест Яўгена Прыгожына забіраць мільярды прыбыў яго кіроўца з афіцыйнай даверанасцю. Як праходзіла працэдура, можна толькі здагадвацца, але наўрад ці грошы пералічвалі, як іранізуе «Фантанка».
Што тычыцца старэнькай белай «Газэлі» ў двары «Палаца Трэзіні» і новага белага Citroen на падземнай паркоўцы гатэля River Palace, то яны да гэтага часу стаяць там.
Важна, што ўжо ў дзень ператрусаў Прыгожын не адмаўляў дачынення да грошай. Паводле яго словаў, гэтая сума была падрыхтаваная для байцоў ПВК «Вагнер» і выплаты сваякам загінулых.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку23
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары