Галоўнае ўпраўленне разведкі Мінабароны Украіны паведаміла падрабязнасці забойства ў Краснадары былога камандзіра падлодкі «Краснадар»
Украінская разведка не ўзяла на сябе адказнасць за забойства Станіслава Ржыцкага, але раскрыла раней невядомыя абставіны.
ГУР паведаміла, што Ржыцкага забілі каля шасці гадзін раніцы 10 ліпеня, калі ён рабіў прабежку ў парку.
Па звестках ГУР, у Ржыцкага сем разоў стрэлілі з пісталета Макарава, ён памёр на месцы, а сведкаў забойства не было, бо ішоў моцны дождж.
ГУР сцвярджае, што Ржыцкі ў якасці камандзіра падводнай лодкі быў датычны да ракетных абстрэлаў Украіны.
Расійскія тэлеграм-каналы мяркуюць, што забойца мог адсачыць расійскага вайскоўца па праграме для бегу, у якой ён публікаваў маршруты прабежак.
Украінскія медыя сцвярджаюць, што Ржыцкі мог быць датычны да ракетнага ўдару па Вінніцы 14 ліпеня 2022 г., у выніку якога загінулі 27 чалавек.
Каментары