«Беспрэцэдэнтна і абсурдна» — Зяленскі эмацыйна раскрытыкаваў партнёраў па НАТА
Уладзімір Зяленскі па дарозе на саміт НАТА адрэагаваў на кулуарныя размовы партнёраў аб тым, што на саміце замест сяброўства ў Альянсе будуць абмяркоўваць толькі нейкія ўмовы для запрашэння Украіны.
«Мы шануем нашых саюзнікаў. Мы цэнім нашу агульную бяспеку. І мы заўсёды цэнім шчырую размову. Украіна будзе прысутнічаць у Вільні на саміце НАТА, бо гэта — павага. Але Украіна таксама заслугоўвае павагі. Цяпер, на шляху ў Вільню, мы атрымалі сігналы, што абмяркоўваюцца фармулёўкі без Украіны. І я хачу падкрэсліць: гэта фармулёўка толькі на запрашэнне, а не на сяброўства Украіны. Беспрэцэдэнтна і абсурдна, калі няма ніякіх часавых рамак і для запрашэння, і для сяброўства Украіны; і калі замест гэтага дадаецца нейкая дзіўная фармулёўка пра «ўмовы» нават для запрашэння Украіны…» — напісаў Зяленскі ў сваім тэлеграм-канале.
Ён мяркуе, што цяпер у Альянсу няма гатоўнасці ні запрасіць Украіну ў НАТА, ні зрабіць яе чальцом Альянсу. А значыць, застаецца магчымасць таргавацца сяброўствам Украіны ў НАТА ў перамовах з Расіяй.
«А для Расіі гэта азначае матывацыю і далей працягваць свой тэрор. Нявызначанасць — гэта слабасць. І я адкрыта абмяркую гэта на саміце», — падсумаваў прэзідэнт Украіны.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары