Сродкі ад кляшчоў і камароў, што прадаюцца ў краінах ЕС. Якія найлепшыя?
Хімік Сяргей Бесараб раіць звярнуць увагу на рэпеленты, якія ёсць на прылаўках Польшчы і Літвы.
Сяргей Бесараб адзначае, што, у адрозненне ад краін Мытнага саюза, куды ўваходзіць і Беларусь, на абшарах якога можна зламаць галаву, адшукваючы рэпелент з прыдатнай канцэнтрацыяй і патрэбным дзейным рэчывам (д. р.), у Польшчы нават у вёсцы можна знайсці тое, што нельга знайсці ў сталіцы Беларусі.
Хімік звяртае ўвагу, што на прэпаратах, якія можна купіць у Еўрапейскім саюзе, пазначаныя канцэнтрацыі ў грамах д. р. на 100 г прадукту. Таксама можна даведацца, што выкарыстоўваецца для арамату замест noname араматызатара з Кітая.
Самі ж дзейныя рэчывы, якія валодаюць рэпелентнай актыўнасцю (п-ментандыёл, гераніёл, алей цытрынавага эўкаліпту), утрымліваюцца ў меншай канцэнтрацыі.
На малюнку спрэі №№ 1-4 змяшчаюць максімум (50%) дыэтылтолуаміду (па-польску — DEET) і найбольш эфектыўныя супраць усіх паразітаў-крывасмокаў. Сам аўтар рэкамендуе спрэі пад нумарамі 2 і 4.
Спрэй пад нумарам №5 (вытворца S.C. Johnson) змяшчае максімум алею цытрынавага эўкаліпту (30%) і лічыцца самым эка/бія. Як пазначана на флаконе — botanicals.
Сродак пад №6 утрымоўвае максімум пікарыдзіну («дзіцячы»). А спрэй пад №7, нягледзячы на нізкае ўтрыманне DEET (30%), змяшчае дэльтаметрын, г. зн. улічвае электрастатыку кляшча, і таксама падыходзіць для вайскоўцаў.
Чытайце яшчэ:
Якія сродкі ад кляшчоў самыя надзейныя? Параўноўвае навуковец
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары