«Дэманстравала стужачку белага колеру». Жыхарку Фаніпаля асудзілі за ўдзел у акцыі пратэсту ў 2020 годзе
У судзе Дзяржынскага раёна вынеслі прысуд за ўдзел у акцыі пратэсту ў Фаніпалі 14 жніўня 2020 года мясцовай жыхарцы Ладарыі Кузняцовай. Суддзя Таццяна Фядчук прызначыла год «хатняй хіміі», паведамляюць праваабаронцы.
Паводле версіі абвінавачвання, Ладарыя «ў мэтах нагнятання незадаволенасці, напружанасці і пратэсных настрояў у грамадстве, яго правакавання, пры руху дэманстравала стужачку белага колеру».
Пракурор Уладзімір Рыбакоў запытваў для Ладарыі 1,5 года «хатняй хіміі».
Паводле яго, «раскаяння ў Кузняцовай, па сутнасці, няма, бо на яго пытанне пра палітычныя погляды яна адказала, што прытрымліваецца нейтральнай пазіцыі, не ўдзельнічае ў аніякай палітыцы, але, тым не менш, па месцы жыхарства былі выяўленыя «экстрэмісцкія налепкі» («Стоп война», «Нет войне», «Люблю Украину») і іншая атрыбутыка».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі3
Каментары