«Так я падаўжаю сваю маладосць». У Прыгожына быў цэлы «канвеер» па пазбаўленні дзяўчат цнатлівасці
Расійскае выданне The Insider пагутарыла з прадстаўніцамі прафсаюза сэкс-работніц, якія распавялі пра вялікую схему па прыцягненні цнатлівіц для задавальнення дзіўных патрэб кіраўніка ПВК «Вагнер». Адна з жанчын таксама падзялілася сваім сэксуальным досведам з Прыгожыным.
Кіраўнік наймітаў ПВК «Вагнер» Яўген Прыгожын моцна павернуты на цнатлівіцах, бо, па яго перакананні, яны даюць яму «энергію і маладосць».
Пра гэта выданню The Insider нядаўна распавёў расійскі прафсаюз сэкс-работніц, які раскрыў інфармацыю пра вялікую схему «продажу» Прыгожыну цнатлівасці з боку шматлікіх дзяўчын «на мяжы паўналецця».
Адбывалася гэта ўсё ў спецыяльным месцы — у гатэлі Solo Sokos Hotel Vasilievsky, які знаходзіцца ў Санкт-Пецярбургу. Праз сутэнёраў туды масава звозілі маладых дзяўчат пазбаўляцца цнатлівасці з кіраўніком «Вагнера».
«Ён заказваў адразу шмат розных дзяўчат крыху старэйшых за 18. Займаўся сэксам без прэзерватыва: лічыў, што так абменьваецца энергіяй, вадкасцямі, як бы атрымлівае ад іх зарад бадзёрасці і маладосці.
У яго наогул шмат дзівацтваў, напрыклад ушытыя «падшыпнікі» пад крайняй плоццю, якія маюць вялікую папулярнасць у зэкаў і якія нібыта павінны прыносіць больш задавальнення жанчынам у ложку, аднак для нас гэта звычайна бывае балючым і непрыемным», — распавялі ў прафсаюзе сэкс-работніц выданню The Insider.
Таксама выданне паразмаўляла з дзяўчынай, якая ў мінулым якраз і была адной з тых цнатлівіц, якіх прывозілі да Прыгожына. Паводле яе слоў, яна прадала яму сваю некранутасць за 40 тысяч рублёў для таго, каб дапамагчы з грашыма сваёй знаёмай, якая і прапанавала гэты від заробку.
Пры гэтым у апавядальніцы тады не было асаблівай патрэбы ў грашах, а сама яна да апошняга не ведала, з кім ёй трэба будзе заняцца сэксам.
«Я не ведала, з кім мне трэба спаць. Ужо ў гатэлі пасля гутаркі з сутэнёркай Прыгожына іншыя дзяўчаты мне расказалі, што гэта арганізоўвае ён. Я была ў поўным шоку і замяшанні, бо добра ведала з СМІ, што гэта за чалавек. У выніку атрымалася так: сэкс быў вельмі хуткі, у яго вельмі маленькі член з гэтымі шарыкамі, а пасля ён на выхадзе мне параіў быць дабрэйшай з-за майго афігелага выразу твару», — падзялілася ўспамінамі дзяўчына.
Нагадаем, што зусім нядаўна мы пісалі пра тое, за што Яўгену Прыгожыну адсеклі частку пальца на руцэ.
Чытайце яшчэ:
Што вядома пра «Піянера», які будзе кіраваць ПВК «Вагнер» у Беларусі
Украінскія памежнікі ацанілі, колькі вагнераўцаў прыбыло ў Беларусь
-
«Я еў велізарныя сэндвічы з крэветкамі за адным сталом з КДБ». Столтэнберг распавёў, як у 1991 годзе спрабаваў завербаваць савецкага агента
-
Былы нямецкі міністр схуднеў на 30 кілаграмаў і адправіў вопратку ва Украіну
-
Серыяльныя забойцы: справу братоў Менэндэс 35-гадовай даўніны разгледзяць зноў з-за серыяла Netflix
Пабачыўшы вайну, не ведаў, як жыць далей. Маналог беларускі, якая перажыла суіцыд мужа
Каментары