Нядаўна Гродна займела ўласны калумбарый, паведаміла выданне «Вечерний Гродно». Спецыяльнае месца для пахаванняў з'явілася на адзіных дзейных гродзенскіх могілках Аульс на ўсходняй ускраіне горада.
Узводзіць калумбарый у Гродне пачалі яшчэ вясной гэтага года. Ён знаходзіцца на новай тэрыторыі, якую для могілак адвялі нядаўна.
Гродзенскі калумбарый уяўляе сабою суцэльную сцяну са 136 бетонных пліт, кожная з якіх складаецца з васьмі ячэек. Атрымліваецца, што адначасова гэты аб'ект можа змясціць 1088 скрынь з прахам. Пакуль што ніводнай занятай ячэйкі, праўда, няма.
Свайго крэматорыя ў Гродне, праўда, няма, і будаваць яго не плануецца. Згодна з дзейнымі нормамі, крэматорый будуецца для гарадоў з насельніцтвам не менш за два мільёны чалавек, у Беларусі гэтаму крытэрыю адпавядае толькі Мінск.
Але Гарадская рытуальная служба ў сталіцы прымае замовы і ад жыхароў іншых гарадоў, паслуга абыдзецца ў 1955 рублёў. Скрынку з прахам замоўцу перадаюць праз 10 дзён пасля крэміравання, але калі даплаціць 100 рублёў, то можна атрымаць прах ужо на наступныя суткі.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары