Амаль 100% пакупнікоў у 2022-м выбіралі яйкі, мяса, цукар і масла беларускай вытворчасці.
У першым паўгоддзі 2023-га беларусы кожны дзень трацілі ў сярэднім 20 рублёў на пакупкі. Такую статыстыку падрыхтаваў Белстат да Дня гандлю, які сёлета выпаў на 30 ліпеня, звярнула ўвагу Tochka.by.
У 2022 годзе агульная доля продажу айчынных тавараў склала больш за палову — 60,9%.
Калі браць асобныя прадукты, то ў кошыках пакупнікоў былі яйкі толькі беларускай вытворчасці, масла беларускай вытворчасці — у 99,9% выпадкаў, а мяса і мясныя прадукты — у 99,4%.
З нехарчовых тавараў беларускай вытворчасці самая высокая доля ў мэблі (73,1%).
Таксама пакупнікі часта выбіралі беларускія панчошна-шкарпэткавыя вырабы (71,9%) і нацельную бялізну (61%).
Што беларусы купляюць у інтэрнэце
Белстат назваў топ-5 тавараў, якія ў 2022 годзе беларусы куплялі ў інтэрнэт-крамах часцей, чым нешта іншае.
На першым месцы аказаліся электрабытавыя прыборы і інструменты. Іх доля ў агульным тавараабароце інтэрнэт-крам у 2022-м дайшла да 12,2%. Другое месца занялі пакупкі аўтааматараў — «дэталі і прылады для аўтатранспартных сродкаў» (11,9%). Трэцяя катэгорыя тавараў па папулярнасці —адзенне (9,4%).
Практычна на адным узроўні знаходзіліся парфумерна-касметычная прадукцыя і туалетныя рэчы (7,7%) і будаўнічыя матэрыялы (7,6%).
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары